La PASCA (La Pasqua)



Totu Meu ha scritto:

La PASCA (La Pasqua) 

Poi buenu male s'ha descetatu,
quannu ha capitu ca stia meju sulu.
Tuttu lu male l'ha perdunatu
pero' n'a mannati ritti affanculu.
Certu ci pensu a dru poveru Cristu
c'a scisu a 'nterra tantu presciatu
cu cangia lu munnu e invece s'a bistu attutu, traditu, sputatu e 'ncruciatu,
me sentu nu chieu intra allu core
cu sacciu c'a statu quiddru c'a statu,
ma pe furtuna pero' lu Signore
dopu tre giurni se n'a bulatu.
Rimanite a 'ncielu fratellu caru
tantu nui simu quiddri ca simu
e subbra alla terra ne meretamu
tuttu ma tuttu cenca tenimu.
Guerre,ingiustizie,violenze, razzismi,
droga,omicidi,delitti, la fame,
bombe, veleni, stupri,egoismi;
senza ste cose nu sapimu stare.
E buenu male ca n'a fatti sirda
ca ete giustu,precisu, severu
Nu boju sacciu, nu me riguarda,
ma forse dru giurnu s'ia fattu te mieru?
Ticu na cosa: ci t'a mbriacatu
nu te pijare tuttu st'mpegnu;
ci dopu beutu te sci curcatu
lu giurnu dopu ni fatti meju?
E poi pe na cosa tantu rugnusa
i bbutu cercare almenu n'aiutu.
Nu ha istu ce bera pericolosa
e nu putii fare tuttu te sulu?
I butu chiamare nu Diu comu a tie
cu tanti ca 'nc'era a disposizione
n'auru potente, ce t'aggiu dire,
puru te n'aura congregazione.
Ma tie capitestu ha ulutu cu faci
tecennu ca sinti lu meju te tutti
cussi' oramai n'imu fare capaci
c'ha chinu lu munnu te farabutti.
Mo' quannu rriamu alla "presenza"
e tocca decidi ci n'a cundannare
minti na manu sulla cuscienza
e bbiti nu picchi ce bete ca fare.
Le curpe nosce nisciunu le nega
e tie pero' nu t'a mmurtalatu.
Riati a stu puntu ognetunu se spiega :
Ci ha bbutu ha bbutu ci ha datu ha datu.
E nu ne mannare 'ntorna lu fiju
ca n'aura cruce nu la po' suppurtare.
Ci puru si Diu, te tau nu consigliu :
n'a fatti cussine?... lassane stare!
Tenimu tanti ma tanti Messia
ca nu sapimu ce n'imu fare ;
ci li cumanni a Signuria
te li putimu puru 'mprestare.
Renzi,Berlusca, Salvini,Di Maio,
scocchianne unu,ci è ca te piace?
Pijali tutti, ca faci meju,
cussi' finalmente ne lassanu a 'mpace.
Tienili a 'ncielu e tienili stritti
cussi' per lo menu stamu sicuri ;
pensacci Tie a tutti quisti
ca nui stamu meju ci STAMU SULI.
Totu ha condiviso un post recente in questo gruppo. Scopri di pi

Commenti

Post popolari in questo blog

Antonella, non posso tenerti per mano, allora ti porto nel cuore

Dove siete giovani?