LU 25 APRILE di Totu meu




Ci se recorda te li anni passati
tutti li terti ca 'nci su stati:
la guerra, la fame, l'umiliazione
cu biessi schiavu te n'aura nazione
e cu te manca subbra alla terra
la libertà, ca è la cosa chiu' bella.
E 'nc'ete invece cinca se astima
ca era meju comu era prima.
Quannu unu sulu era lu"Vate"
e ci era contrariu pijava mazzate.
A sti cristiani oju cu dicu,
te ogni congrega, te ogni partitu:
Tanti anu muerti cu ddentamu ci simu
e nui stamu a quai ca facimu casinu.
Sempre divisi,sempre rancore,
mai na vera grande nazione .
La storia è storia ,nu se pote cangiare
te lu passatu nu n'imu scerrare
ca n'ha 'mparata la cosa chiu' bella
...'NCIOLE LA PACE...NONE LA GUERRA!
Scritta da 
Totu Meu

Commenti

Post popolari in questo blog

Renato Gorgoni

Prima le persone. Competizione o collaborazione? (destra e sinistra non esistono)