Me piaci sulu tie

 

Me piaci sulu tie

L’aure fimmene pe mmie su masculi

Se le uardu nu prou nienzi

Nienzi batticore

Nienzi tesiteriu

Sulu cu ttie

lu core miu è sinceru

Pe mmie le caruse ngraziata suntu soru

Tie sula sinti lu miu tesoru

Macari nci nn’ete mijare cchiu beddrhe te tie

Cchiu giovani

Cchiu furmuse

Ma suntu tutte caruse ca nu c’entranu cu mmie

A mmie lu tesiteriu se scatena sulu cu ttie

Me sentu ca ulia cu tte mbrazzu

Cu tte asu e cu tte scarrozzu agnasciu

Sulu pe ttie me sentu ca su nnatu

Sulu pe ttie m’aggiu scatenatu

E sulu pe ttie nci suntu sempre

Percene ieu e ttie simu la scente