AGGIU ISTA LA BEFANA (...na fimmena beddra...ce bu aggiu dire...)
AGGIU ISTA LA BEFANA (...na fimmena beddra...ce bu aggiu dire...)
_______________
Aggiu mangiatu tantu... ma tantu,
ma soprattutto... aggiu puru beutu;
m'aggiu ssettatu tuttu cuntentu
e chianu chianu aggiu durmesciutu.
_______________
Aggiu mangiatu tantu... ma tantu,
ma soprattutto... aggiu puru beutu;
m'aggiu ssettatu tuttu cuntentu
e chianu chianu aggiu durmesciutu.
Cu lu focalire ca me scarfava
paria ca stau a Torre Lapiddru,
la fiamma ardia... e comu terava !
...Se n'ha purtatu tuttu lu friddu.
paria ca stau a Torre Lapiddru,
la fiamma ardia... e comu terava !
...Se n'ha purtatu tuttu lu friddu.
Propriu allu mienzu te la nuttata,
forse hanu state quasi le trete,
sentu intru a casa na camenata
e m'aggiu zzatu... cu bisciu ce bbete.
forse hanu state quasi le trete,
sentu intru a casa na camenata
e m'aggiu zzatu... cu bisciu ce bbete.
Aggiu ista n'umbra ca se cotulava
e me chiamava puru pe nume
e quannu a' rriata ca s'a' cucchiata
aggiu rimastu te pampasciune.
e me chiamava puru pe nume
e quannu a' rriata ca s'a' cucchiata
aggiu rimastu te pampasciune.
Na fimmena beddra, ce bu aggiu dire,
ca mai n'ia iste a tutta la vita,
s'a' misa te coste, ha 'ncignatu a parlare,
m'ha strinta la manu e s'a' presentata:
ca mai n'ia iste a tutta la vita,
s'a' misa te coste, ha 'ncignatu a parlare,
m'ha strinta la manu e s'a' presentata:
_"Su la Befana, nu te spascenziare,
sta begnu tte portu quarche regalu ;
ne tegnu tanti...'ncigna a scucchiare,
...aggiu saputu c'ha fattu lu bravu. "_
sta begnu tte portu quarche regalu ;
ne tegnu tanti...'ncigna a scucchiare,
...aggiu saputu c'ha fattu lu bravu. "_
_"Comu... Befana!? Tici a 'ndaveru?
Ieu te sapia ecchia e scangata,
brutta te coccia e fetente te mieru.
Invece annanzi tegnu na fata,
Ieu te sapia ecchia e scangata,
brutta te coccia e fetente te mieru.
Invece annanzi tegnu na fata,
n'attrice, na Santa, na miss universu;
pari pittata te nu grande artista.
Mo' ci ba cuntu ce m'ha successu
me rria a casa quarche giornalista,
pari pittata te nu grande artista.
Mo' ci ba cuntu ce m'ha successu
me rria a casa quarche giornalista,
parenti, cumpari, li vecchi amici :
se mintenu a nanti tutti 'nfelati.
...Sienti na cosa, tie ce ne tici,
facimu nu "selfie"... ca stamu 'mbrazzati?
se mintenu a nanti tutti 'nfelati.
...Sienti na cosa, tie ce ne tici,
facimu nu "selfie"... ca stamu 'mbrazzati?
Cu mosciu a tutti ca la Befana
nu bbete na "rascia" comu se tice
....anzi, signora,....si propriu "bbona"..!
Ci riesti quai....me faci felice."_
nu bbete na "rascia" comu se tice
....anzi, signora,....si propriu "bbona"..!
Ci riesti quai....me faci felice."_
Appena ha 'ntise ste belle parole
s'ha menata subbra e m'ha 'nferratu;
(a mie me battia forte lu core),
ha perta la ucca....e m'ha baciatu.
s'ha menata subbra e m'ha 'nferratu;
(a mie me battia forte lu core),
ha perta la ucca....e m'ha baciatu.
M'ha 'ncarezzatu....m'ha pezzecatu...
m'ha lliate le scarpe, li causi, la maglia....
Ma propriu quannu m'ia mienzu scarfatu,
ALLU CHIU' BELLU.... A' SUNATA LA SVEGLIA.
m'ha lliate le scarpe, li causi, la maglia....
Ma propriu quannu m'ia mienzu scarfatu,
ALLU CHIU' BELLU.... A' SUNATA LA SVEGLIA.
Mienzu stunatu, la vista 'mpannata,
aggiu ista... "una",... ciabatte e pigiama,
na crema a 'nfacce, scapeddrisciata....
....Era mujerema........! BONA BEFANA!
aggiu ista... "una",... ciabatte e pigiama,
na crema a 'nfacce, scapeddrisciata....
....Era mujerema........! BONA BEFANA!
Commenti
Posta un commento